"Барселона" ҳужумчиси Усмон Дембеле яқин 72 соат ичида "ПСЖ"нинг янги ўйинчисига айланади. Журналист Муҳаммад Бухафсининг сўзларига кўра, парижликлар 50 миллион евролик товон пули миқдорини фаоллаштиришга муваффақ бўлишган.
Келишув яқин кунларда расман эълон қилиниши кутилмоқда. Дембеле 5 йиллик шартнома имзолаши керак. Манбанинг таъкидлашича, "ПСЖ" раҳбарияти яқин йилларда Дембелени ўз етакчиларидан бирига айлантирмоқчи.
26 ёшли Дембеле анчадан бери "ПСЖ"нинг қизиқиши остида эди, бироқ бир қанча сабабларга кўра трансфер амалга оширилмаганди. Эслатиб ўтамиз, Усмон "ПСЖ" "Барселона"га тўлайдиган 50 миллион евро товон пулининг ярмини олиши керак.
