“Манчестер Сити” ҳужумчиси Карлос Борхес фаолиятини Нидерландияда давом эттиради.
Журналист Йохан Инан твиттердаги саҳифасида 19 ёшли португалиялик футболчи "Аякс"га ўтиш учун тиббий кўрикдан ўтганини ва агар ҳаммаси режа бўйича бўлса, у 2 август чоршанба куниёқ "Йохан Кройфф Арена"да янги футболчи сифатида таништирилишини айтди.
Борхес "Манчестер Сити"нинг асосий таркибида бирорта ҳам ўйин ўтказмаган. Иккинчи жамоада 38 ўйинда 26 гол урди ва 13 голга ассистентлик қилди.













