Буэнос-Айресда (Аргентина) Либертадорес кубоги 1/8 финалининг биринчи ўйини бўлиб ўтди ва унда маҳаллий "Аргентинос Хуниорс" Бразилиянинг "Флуминенсе" клуби билан дуранг ўйнади.
Учрашувнинг иккинчи ярмида даҳшатли эпизод юз берди. "Реал"нинг собиқ футболчиси Марсело дриблинг пайтида тасодифан рақибининг оёғини синдириб қўйди. Бразилиялик ҳимоячи Лучиано Санчесни айланиб ўтишга уринди, бироқ унинг устига қадам босди. Бу вақтда Санчес оёғини олдинга ташлаб, мувозанатни сақлаб қолмоқчи бўлганди. Бироқ, бу Санчеснинг оёғини синишига сабаб бўлди.
Бу воқеадан кейин Марсело тўғридан-тўғри қизил карточка олди. Бразилиялик футболчи рақибга жароҳат етказишни истамаслигини таъкидлаб, майдонни йиғлаб тарк этди.
