"Флуминенсе" ҳимоячиси Марсело Либертадорес кубоги 1/8 финалининг "Аргентинос Хуниорс" жамоасига қарши биринчи ўйинида (1:1) қизил карточка олгани учун узр сўради.
"Бугун мен майдонда жуда оғир дамларни бошдан кечиришимга тўғри келди. Мен тасодифан ҳамкасбимни жароҳатлаб қўйдим. Тезроқ тузалиб кетишингизни тилайман, Лучиано Санчес. Дунёнинг барча қудрати сизга!" - деб пост қолдирди Марсело ижтимоий тармоқда.
Учрашувнинг 58-дақиқасида 35 ёшли бразилиялик Лучиано Санчесга нисбатан қўполлик ишлатгани учун қизил карточка олди.
