Мюнхеннинг "Бавария" клуби "Брентфорд" дарвозабони Давид Райя билан ёзги трансфер борасида келишувга эришмоқчи. Эслатиб ўтамиз, испаниялик посбон Лондоннинг "Арсенал" клубига ўтишни афзал кўрмоқда.
Инсайдер Сэм Диннинг сўзларига кўра, Райя "Бавария"нинг тез орада "Интер"га ўтиши керак бўлган Янн Зоммер ўрнига биринчи танловдир. Испаниялик посбон тахминан 40 миллион еврога баҳоланмоқда. "Бавария" нархларни пасайтиришга умид қилмоқда, бироқ аввал клуб "Брентфорд" билан музокара олиб бориши керак.
Райя бу ёзда "Брентфорд"ни тарк этмоқчи, бу ҳақда раҳбариятга маълум қилган. "Арсенал" уни Аарон Рамсдейл билан рақобатлашиш учун сотиб олмоқчи.
