Қозоғистон футбол федерацияси президенти Адилбек Жақсибеков Астана шаҳрида журналистлар билан учрашувда қозоқ футболчиларидан тезроқ натижа талаб қилинаётганлигидан норозилик билдирди, дея хабар беради Vesti.kz.
"Биз футбол хўжалигимизда тартиб ўрнатяпмиз, стадион ва майдонларни яхшилаяпмиз. Бу УЕФАга ўтганлигимиз билан боғлиқ. Натижаларни эса, бироз кутишга тўғри келади. Агар кутишга куч топа олмасангиз, марҳамат, Осиёга қайта қолайлик. Ҳозирги терма жамоамизнинг савияси Осиё қитъасида кучли ўнликка, балки, кучли бешликка тортади. Бу Европа эмас, у ерда рақобат кучли эмас", - дейди Жақсибеков.
