Лондоннинг "Челси" клуби тез орада "Брайтон" дарвозабони Роберт Санчесни ўзининг янги ўйинчиси сифатида таништиради, деб хабар бермоқда инсайдер Фабрицио Романо.
Манба берган хабарга кўра, клублар ўртасидаги барча ҳужжатлар, шунингдек, футболчи томонидан шартнома имзоланган. 25 ёшли Роберт Санчес 2030 йилгача лондонликлар футболчиси бўлади.
Испаниялик дарвозабон 2015 йилдан бери "Брайтон"га тегишли. Тўрт мавсум давомида у 23 ёшгача бўлган "Брайтон" жамоасида ўйнади, икки мавсумни ижарада ўтказди. Ва сўнгги уч йил давомида у "Брайтон" клубининг асосий дарвозабони бўлиб, асосий таркибда 90 та ўйин ўтказди. Дарвозабон Испания терма жамоасида битта расмий ўйин ўтказган.
Transfermarkt портали маълумотларига кўра, футболчининг бозор қиймати 22 миллион еврони ташкил қилади.
