Англия терма жамоаси бош мураббийи Гарет Саутгейт "Манчестер Юнайтед" ҳимоячиси Гарри Магуайр келажакдаги фаолияти ҳақида бир қарорга келиши кераклигини айтди.

Аввалроқ, "Манчестер Юнайтед" бош мураббийи Эрик тен Хаг Магуайрни сардорлик боғичидан маҳрум қилгани маълум бўлганди.

"Биз профессионал футболнинг қийин оламидамиз. Гаррининг олдида иккита жаҳон чемпиони ўйнамоқда. Варан ва Мартинес юқори даражадаги футболчилар. Агар сиз топ-клубда ўйнасангиз, доимо қийинчиликларга дуч келасиз. Бу клублар ҳар ёзда янги ўйинчиларни қўлга киритишади ва сиз ўз ўрнингиз учун курашишингиз керак. Шу билан бирга, "Манчестер Юнайтед»"да футболчиларга ишончли захира футболчиси керак: жароҳат олишингиз мумкин, клуб Чемпионлар лигасида ва Премьер-лигада муваффақият қозонишга ҳаракат қилмоқда.

Агар у асосий таркибда майдонга тушмаса, у мунтазам ўйнайдиган жойга ўтиши ҳақида қарор қабул қилиши керак. Аксарият футболчилар ҳар ҳафта ўйнашни хоҳлашади", - деди Саутгейт TalkSport.