Angliya terma jamoasi bosh murabbiyi Garet Sautgeyt "Manchester Yunayted" himoyachisi Garri Maguayr kelajakdagi faoliyati haqida bir qarorga kelishi kerakligini aytdi.

Avvalroq, "Manchester Yunayted" bosh murabbiyi Erik ten Xag Maguayrni sardorlik bog‘ichidan mahrum qilgani ma’lum bo‘lgandi.

"Biz professional futbolning qiyin olamidamiz. Garrining oldida ikkita jahon chempioni o‘ynamoqda. Varan va Martines yuqori darajadagi futbolchilar. Agar siz top-klubda o‘ynasangiz, doimo qiyinchiliklarga duch kelasiz. Bu klublar har yozda yangi o‘yinchilarni qo‘lga kiritishadi va siz o‘z o‘rningiz uchun kurashishingiz kerak. Shu bilan birga, "Manchester Yunayted»"da futbolchilarga ishonchli zaxira futbolchisi kerak: jarohat olishingiz mumkin, klub Chempionlar ligasida va Premyer-ligada muvaffaqiyat qozonishga harakat qilmoqda.

Agar u asosiy tarkibda maydonga tushmasa, u muntazam o‘ynaydigan joyga o‘tishi haqida qaror qabul qilishi kerak. Aksariyat futbolchilar har hafta o‘ynashni xohlashadi", - dedi Sautgeyt TalkSport.