13 ноябрь куни Самарқанд шаҳрида футзал бўйича 2012 йилги Ўзбекистон чемпионати 1-босқич 2-тур 2-кун учрашувлари бўлиб ўтди. Икки кун ўйинларидан сўнг мусобақа жадвалидаги учпешқадамлик сақланиб қолди.
Куннинг дастлабки тўртта ўйинининг ҳар бирида мухлислар камида еттидан гол кўришди. Жумладан, 2-тур ўйинларини мағлубиятсиз ўтказаётган Бухоро вилоятининг «Когон» клуби «Строитель-Зарафшон»ни 8:1 ҳисобида мағлубиятга учратган бўлса, Сирдарё вилоятининг «Гулистон» жамоаси Андижоннинг «Турон-С» клубига 6:9 ҳисобида имкониятни бой берди. Қайд этиш жоиз, 1-кун ўйинларида «Когон» ва «Турон-С» ўзаро майдонга тушган ва ўйин 7:7 ҳисобидаги жанговар дуранг билан якунига етганди.
Кун ўйинлари доирасида иккита «Тошкент дербиси» ўтказилиши кўзда тутилганди. Ҳар иккала ўйин ҳам мусобақа пешқадамларидан бўлиб турган фаворит жамоаларнинг йирик ҳисобдаги ғалабаси билан якунига етди: «Локомотив» «Пахтакор» дарвозасига жавобсиз еттита гол урган бўлса, «Ардус» «Бунёдкор»ни 7:1 ҳисобида мағлубиятга учратди.
Майдон эгаси – «Нафис» ва уч пешқадамдан бири – «Максам-Чирчиқ» ўртасидаги ўйин куннинг энг қизиқарли баҳсларидан бири бўлди. Ўйинда чирчиқлик футзалчилар қийинчилик билан 3:2 ҳисобида ғалаба қозониб, «Локомотив» ва «Ардус»нинг мусобақа жадвалида илгарилаб кетишига имкон беришмади.
Футзал бўйича Ўзбекистон чемпионати 1-босқич 2-тур 3-кун ўйинлари 14 ноябрь куни бўлиб ўтади. Шу куни тўплар нисбатига кўра чемпионат пешқадами бўлиб турган «Локомотив» 4-ўриндаги «Турон-С» билан баҳс олиб борса, «Ардус» «Пахтакор»га қарши майдонга тушади. «Максам-Чирчиқ» эса 2-тур ўйинларини кўтаринки руҳда ўтказаётган «Когон» билан баҳс олиб боради.
14 ноябрь, чоршанба Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
13 ноябрь, сешанба
«Когон» - «Строитель-Зарафшон» 8:1
«Гулистон» - «Турон-C» 6:9
«Локомотив» - «Пахтакор» 7:0
«Ардус» - «Бунёдкор» 7:1
«Нафис» – «Максам-Чирчиқ» 2:3
| 1 | Локомотив | 6 | 5 | 0 | 1 | 42-10 | 15 |
| 2 | Ардус | 6 | 5 | 0 | 1 | 43-13 | 15 |
| 3 | Максам-Чирчиқ | 6 | 5 | 0 | 1 | 27-14 | 15 |
| 4 | Турон-С | 6 | 3 | 2 | 1 | 42-29 | 11 |
| 5 | Бунёдкор | 6 | 3 | 1 | 2 | 19-18 | 10 |
| 6 | Пахтакор | 6 | 3 | 0 | 3 | 21-25 | 9 |
| 7 | Гулистон | 6 | 2 | 0 | 4 | 30-37 | 6 |
| 8 | Когон | 6 | 1 | 1 | 4 | 20-37 | 4 |
| 9 | Нафис | 6 | 1 | 0 | 5 | 17-44 | 3 |
| 10 | Строитель-Зарафшон | 6 | 0 | 0 | 6 | 9-43 | 0 |
Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
14 ноябрь, чоршанба
10:00. «Строитель-Зарафшон» - «Гулистон»
12:00. «Пахтакор» - «Ардус»
14:00. «Максам-Чирчиқ» – «Когон»
16:00. «Турон-С» - «Локомотив»
18:00. «Бунёдкор» - «Нафис»
15 ноябрь, пайшанба
10:00. «Пахтакор» - «Турон-С»
12:00. «Локомотив» - «Строитель-Зарафшон»
14:00. «Гулистон» - «Максам-Чирчиқ»
16:00. «Когон» - «Бунёдкор»
18:00. «Ардус» - «Нафис»
16 ноябрь, жума
9:00. «Строитель-Зарафшон» - «Пахтакор»
10:00. «Бунёдкор» - «Гулистон»
12:00. «Турон-С» - «Ардус»
14:00. «Максам-Чирчиқ» – «Локомотив»
16:00. «Нафис» - «Когон»
