"Барселона" "Манчестер Сити" ярим ҳимоячиси Бернарду Силвани қўлга киритиш учун муваффақиятсиз уриниш қилди.
Португалиялик "кўк-анорранглилар" учун трансфер мақсади бўлиб қолмоқда, бироқ унга бўлган биринчи таклифни "шаҳарликлар" раҳбарияти рад этди. Журналист Рожер Тореллонинг хабар беришича, "Барселона" Силвани 2024 йилда 58 миллион еврога сотиб олиш мажбурияти билан ижарага олишга тайёр эди - бундай шартлар "Манчестер Сити"ни ҳайратга солмаган.
Бернарду Силванинг манчестерликлар билан амалдаги меҳнат шартномаси 2025 йилнинг ўрталарига қадар тузилган. 28 ёшли футболчи "Барселона"га ўтишни хоҳлаётгани маълум.













