"Брайтон" бош мураббийи Роберто де Дзерби яна бир бор Мойсес Кайседонинг "Челси"га трансфери ҳақида гапирди.
Лондон клуби узоқ вақтдан бери эквадорлик ярим ҳимоячини қўлга киритишга ҳаракат қилмоқда, аммо "чайкалар" билан келишувга эриша олмаяпти. Кайседонинг ўзи фаолиятини "Челси"да давом эттиришни афзал кўрмоқда.
Журналистлар Де Дзербидан 21 ёшли футболчининг жамоа билан машғулотларга қайтиши ёки йўқлигини сўрашди: "Билмайман. Мойсес кетса, биз учун муҳим бўладиган бошқа футболчи топамиз. "Брайтон" учун бу оддий ҳолат - клуб ўйинчиларни йўқотмоқда, аммо олдинга интилишда давом этмоқда. Аммо Кайседо қолса хурсанд бўламан", - дея мураббийдан иқтибос келтирган Фабрицио Романо.
