Аҳмаджон Мусаев аввалги ўйинларга қараганда таркибда 3та ўзгаришни амалга оширди. Дисквалификация учраган Фомин ўрнини Жавлон Мирабдуллаев эгаллаган бўлса, таянч ярим ҳимоясида Абдумўминов ўрнида бугун Сардор Собирхўжаев ҳаракат қилади. Шунингдек, Абдул Азиз Юсупов захирада қолди ва Ихтиёр Тошпўлатов асосий таркибда майдонга тушади. Аммо Сардорга ҳам, Ихтиёрга биринчи бўлимни охиригача ўйнаш насиб қилмади...

Ўйин мураббийларнинг тактик кураши билан ёдда қолди. Ҳеч бир жамоа майдонда  биринчи рақамли бўлишни истамади. Футболчилар тўпни назорат қилган ҳолда, рақибни ўз ёнига чорлашга ҳаракат қилишди. Натижада биринчи бўлимда бирорта яққол голга тортадиган юзага келмади. Кореяликлар бир неча марта дарвоза томон тўғри зарба беришга муваффақ бўлган бўлсалар, вакилларимиз ижросида дастлабки 45 дақиқа давомида дарвоза томон берилган аниқ зарбага гувоҳ бўлмадик.

Биринчи бўлимда мураббийимиз икки нафар ўйинчини алмаштиришга қарор қилди. Олдинги чизиқда тўпсиз қолиб кетаётган Ихтиёр Тошпўлатов ўрнига марказни мустаҳкамлаш мақсадида Абдуллоҳ Олимов майдонга туширилди. Бу Абдуллоҳнинг мусобақадаги илк ўйини бўлди. Биринчи бўлим сўнгида кореялик Сардор Собирхўжаев жароҳат етказишди. Натижада Аҳмаджон Мусаев майдонга яна бир таняч ярим ҳимоячиси Муҳсин Убайдуллаевни майдонга туширди.

Яна бир кўзга ташланган ҳолат. Корея футболчилари жарима майдончамиз жуда кўп марта йиқилишга, натижада жарима зарбаси ишлашга ҳаракат қилишди. Аммо қатарлик ҳакам Ад-Досарий уларнинг бу найрангига учмади.

Иккинчи бўлимда ўйин анча жонланди. Биринчи навбатда Корея терма жамоасининг бўлим бошида тезкор гол уриб олгани сабабчи бўлди. 50-дақиқада Асилбек Омонов сўнгги ҳимоячи вазифасини бажариб, кореяликларнинг қарши ҳужумини бартараф этишга муваффақ бўлди. Аммо рақиб ён қанотдан тўпни ўйинга киритди ва бурчак тўпи ишлади ва ушбу бурчак тўпи гол билан якунланди. Тўпни олисроққа етказиши натижасида ҳужумчи голни бош билан шеригига етказиб берди. 11-рақамли Канг Санг Ву зарба муваффақиятсиз чиққандек кўринди, аммо тўп ерга текканча Омоновнинг устида ошиб ўтиб, дарвоза тўсинига текканча чизиқни кечиб ўтди.

Ўйиннинг 60-дақиқасида ҳакам кореялик Ким Санг Вунинг симуляциясига алданди. Бу футболчи жарима майдончамиз ичида Владимир Козакни алдаб ўтдию, аммо ўзи йиқилишга қарор қилди. Вазиятга яқин турган қатарлик ҳакам 11 метрли нуқтани кўрсатди. Пенальтини эса Мун Чанг Чжин голга айлантира олди — 2:0.

Орадан 6 дақиқа ўтиб терма жамоамиз ҳисобдаги фарқни биттага қисқартиришга муваффақ бўлишди. Жамшид Искандаровнинг жарима майдончаси юмшоқ тарзда етказиб берган тўпини ҳимоячи қайтаришда хатога йўл қўйди ва тўпни дарвозага яқин масофада турган Сергеев келиб тушди. Игорь эса дарвозага тескари ҳолатда туришига қарамай, ўгирилганча зарба беришга муваффақ бўлди — 2:1. Бу эса Сергеевнинг мусобақадаги еттинчи голи бўлди ва тўпурарлар баҳсида олдинга чиқиб олди.

Ташаббус биз томонга ўтаётгандек кўринга вазиятда, кореялик аввалига битта чиройли ҳуужм уюштиришди — Омонов чиройли сейв ишлатди. Бурчак тўпидан кейин эса Канг Санг Ву зарба бериш учун қулай вазиятга чиқди ва уни қўлдан чиқармади. Бу унинг дарвозамизга киритган иккинчи голи бўлди.

82-дақиқада ҳакам Ад-Досарий Корея дарвозаси томон пенальти бермади. Аббос Махсталиев ўнг қанотда бир ҳимоячини алдаб, жарима майдончасига кирганида, ҳимоячи уни аввал қўли, кейин эса оёғи билан йиқитди. Аммо ҳакам пенальти беришга жазм этмади.

Қолган дақиқаларда терма жамоамиз олдинга интилди, дарвоза томон зарбалар берди. Аммо кореялик гол уриш имкон беришди. Якуний ҳисоб — 3:1.

Шу тариқа Ўзбекистон ёшлар терма жамоаси мусобақани ярим финалдан тарк этадиган бўлди. Энди эса Аҳмаджон Мусаев ўз жамоасини келаси йилнинг июнь-июль ойларида Туркияда бўлиб ўтадиган жаҳон чемпионатига тайёрлайди.

Ёшлар ўртасида Осиё чемпионати
Ярим финал. 14 ноябрь
ЖАНУБИЙ КОРЕЯ - ЎЗБЕКИСТОН - 3:1 (0:0)
Голлар: Канг Санг Ву (51, 78), Чанг Чжин (61-пен.) — Игорь Сергеев (66),
Огоҳлантиришлар: Рью Сеунг Ву (40), Ким Сун Ву (59) — Тоҳиржон Шамсиддинов (75), Абдуллоҳ Олимов (79), Игорь Сергеев (81), Сардор Раҳмонов (88), Владимир Козак (90+2)
Жанубий Корея: 1. Чанг Геун (С), 4. Чжей Мин, 5. Чжу Сунг (Рью Жэ Мун 86), 6. Ким Сун Ву, 7. Рью Сеунг Ву, 8. Йеонг Чжун, 9. Хюн, 10. Чанг Чжин (Чжунг Хюн Чеол 90), 11. Канг Санг Ву (Сёнг Чжун 89), 12. Канг Юн Ку, 14. Чжу Хун.
Ўзбекистон: Ўзбекистон: 1. Асилбек Омонов, 2. Тоҳиржон Шамсиддинов, 3. Сардор Раҳмонов, 6. Аббосбек Махсталиев, 7. Владимир Козак (С), 10. Жамшид Искандеров, 14. Жалон Мирабдуллаев, 15. Темур Ҳакимов (Сергей Рекун 85), 17. Игорь Сергеев, 18. Сардор Собирхўжаев (Мухсин Убайдуллаев 45), 20. Ихтиёр Тошпўлатов (Абдуллоҳ Олимов 30)
Ҳакамлар: Банжар Муҳаммад ад-Досарий (Қатар), Рамзан Сайид ал-Наимий (Қатар), Абулфазли Муҳаммадризо (Эрон), Алиризо Фағоний (Эрон)
Комиссар: Абдул Ғофур, Абдул Ҳамид (Мальдив ороллари)