"ПСЖ" бразилиялик ҳужумчи Неймарни сотишга тайёрланмоқда.
Sky Sports нашри хабарига кўра, парижликлар 31 ёшли футболчининг трансферидан камида 58 миллион евро ишлаб олишни режалаштирган.
Шу билан бирга, манба таъкидлаганидек, нарх турли харидорлар учун фарқ қилади. Минимал баҳоси 58 миллион евро, максимали эса 93 миллион. Аввалроқ, жанубий америкалик футболчига "Манчестер Юнайтед", Лондоннинг "Челси" ва "Барселона" клублари қизиқиш билдираётгани ҳақида хабар берилганди.
Неймар 2017 йилдан бери парижликлар сафида ўйнаб келмоқда. Томонлар ўртасидаги амалдаги шартнома 2025 йилнинг ёзида якунига етади.
