"Челси" жароҳат олган Кристофер Нкункунинг ўрнига Душан Влаховични сотиб олиши мумкин.
Эслатиб ўтамиз, шу ёзда "Лейпциг"дан "Челси"га ўтган Нкунку "Боруссия" билан ўртоқлик ўйинида тиззасидан жароҳат олганди. Ҳужумчининг тиззасида муаммо борлиги хабар қилинганди. Нкунку тиззасидан операция қилинган ва камида 4 ой майдонга туша олмайди.
ESPN нашри хабарига кўра, Нкункунинг жароҳати "Челси"нинг Душан Влаховичга қизиқишини ошириши мумкин. "Ювентус" ҳужумчисига "Челси" бош мураббийи Маурисио Почеттино ҳам қизиқиш билдирмоқда.
Олдинроқ Влахович келишувига Ромелу Лукаку ҳам киритилиши мумкинлиги ҳақида хабарлар тарқалган эди. Бироқ, айни дамда «Челси» ва «Ювентус» келишувнинг молиявий томонида келиша олмаяпти. "Челси" Лукаку учун тахминан 46 миллион евро сўрамоқда, "Ювентус" эса Влаховични 80 миллион еврога баҳоламоқда.
