Мануэль Нойер қулай сценарийда яна 8-10 ҳафтани ўтказиб юборади.
Bild нашри хабарига кўра, "Бавария" дарвозабони машғулот жараёнида зарбалар ва пасларда муаммоларга дуч келмоқда.
Бир неча ҳафта олдин Нойер майдонда машғулотларини ўтказди. Ўшанда ҳам германиялик посбон муаммолари борлиги, айниқса чап оёғи билан зарба берганида, илгари жароҳатланган ўнг оёғи таянчга айланганда сезиларли оғриқ бор эди.
Бундан ташқари, маълум сакрашларда Нойер эҳтиёткор ва қатъиятсиз эди.
Эслатиб ўтамиз, "Бавария" ва Германия терма жамоаси дарвозабони ўтган йилнинг декабрь ойида жароҳат олган эди. Нойер дам олиш пайтида чанғи учаётганда оёғини синдириб олди. Май ойининг охирида Нойернинг оёғидан жароҳатдан сўнг ўрнатилган винт жарроҳлик йўли билан олиб ташланди.
37 ёшли Нойер 2022 йилнинг 1 декабрдан бери майдонга тушмаяпти.
