"Вест Хэм" "Манчестер Юнайтед" марказий ҳимоячиси Гарри Магуайрни сотиб олмоқчи.
"Қизил иблислар" асосий таркибдаги ўрнини ва сардорлик боғичини йўқотган 30 ёшли футболчини ўзида сақлаб қолмайди. Магуайрга асосий давогар "Вест Хэм".
Журналист Жейкоб Штайнбергнинг сўзларига кўра, “Вест Хэм” англиялик футболчининг трансфери учун 35 миллион евро сарфлашга тайёр, бироқ “Манчестер Юнайтед” рад жавобини берса, таклифни яхшиламайди. Қолаверса, "болғачилар»" ҳали футболчининг маошига қўйиладиган қаттиқ талабларни қандай қондиришни ҳал қилмаган.
Гарри Магуайрнинг "Манчестер Юнайтед" билан амалдаги шартномаси 2025 йилгача мўлжалланган.
