"Интер" спорт директори Пьер Аузилио "Арсенал" ҳужумчиси Фоларин Балогуннинг трансфери ҳақидаги саволга жавоб берди.
22 ёшли америкалик узоқ вақтдан бери “нерадзуррилар”нинг радарида бўлиб турибди, бироқ “Арсенал” билан ҳали трансфер келишувига эришилмаган. Маълум бўлишича, "канонирлар" ҳужумчи учун 50 миллион евро талаб қилмоқда.
“Балогун – бозордаги вариантлардан бири, аммо биз кузатаётган ягона футболчи эмас. Биз гол уришга қодир бўлган одамни қидирмоқдамиз", - деди Аузилио Sport Mediaset нашрига берган интервьюсида.
Илгари "Интер" "Вест Хэм" ҳужумчиси Жанлука Скамаккани ўз сафига жалб қилмоқчи эди, аммо у "Аталанта"га ўтишга қарор қилди.
