Кеча ёшлар ўртасидаги Осиё чемпионатида иккинчи финалчи номи аниқланди. Тошкент вақти билан соат 21:00да майдонга чиққан Ироқ ва Австралия терма жамоалари ўртасидаги баҳс ҳам анча қизиқарли кечди, айниқса, ўйиннинг иккинчи бўлими.

Биринчи бўлимда ҳисоб очилмади ва 51-дақиқада Ироқ дарвозаси томон пенальти белгиланди. Аммо австралиялик тўпурар Кори Гамейро пенальтини голга айлантира олмади. Ироқ терма жамоаси тўпурари Моҳанад Каррар эса ўзининг имкониятидан фойдаланиб ҳисобни очди ва у голлари сонини 4тага етказди. Ўйин тугашига 5 дақиқа қолганида захирадан майдонга тушган Жавод Ҳантуш қарши ҳужумдан унумли фойдаланиб, жамоасига ғалаба келтирувчи голга муаллифлик қилди.

Шунда қилиб, 17 ноябрь куни соат 17:45 (Тошкент вақти билан)да бошланадиган финал баҳсида Ироқ ва Жанубий Корея терма жамоалари баҳс олиб борадиган бўлишди. Ушбу жамоалари "В" гуруҳининг 1-турида ҳам ўзаро тўқнаш келишганди ва ўша ўйинда ҳисоб очилмаганди.