Футзал бўйича 2012 йилги Ўзбекистон чемпионати 1-босқич 2-тур 3-кун учрашувлари якунига етди. Тур ўйинлари мусобақа жадвалининг юқори қисмига жиддий ўзгариш киритмади.
Кун доирасидаги ўйинларда мусобақада пешқадамлик қилаётган жамоаларнинг учаласи ишончли ғалабаларга эришди. Тўплар нисбатига кўра мусобақада пешқадам бўлиб турган «Локомотив» клуби «Турон-С»ни 9:3 ҳисобида мағлубиятга учратган бўлса, «Ардус» «Пахтакор» устидан 4:0 ҳисобида ғалаба қозонди.
«Максам-Чирчиқ» жамоаси эса Бухоро вилоятининг «Когон» клубини 3:2 ҳисобида мағлубиятга учратди. Ушбу мағлубият бухороликлар учун 2-тур доирасидаги илк муваффақиятсизлик бўлса, чирчиқликлар кетма-кет иккинчи ўйинда қийинчилик билан ғалаба қозонишди.
«Гулистон» билан 5:5 ҳисобида дуранг ўйнаган «Строитель-Зарафшон» мавсумдаги илк очколарини қўлга киритган бўлса, майдон эгаси – «Нафис»ни 5:0 ҳисобида мағлубиятга учратган «Бунёдкор» мусобақа жадвалида 4-ўринга кўтарилиб олди. Жамоа мусобақа пешқадамларидан атиги 4 очкога ортда қолмоқда.
Самарқанд шаҳри мезбонлик қилаётган 1-босқич 2-турнинг 4-кун баҳслари 15 ноябрь куни бўлиб ўтади. Бўлажак баҳслар ҳам мусобақа жадвалининг юқори қисмига катта ўзгаришлар кирита олмаслиги эҳтимоли катта: пайшанба куни «Локомотив» мусобақа аутсайдери – «Строитель-Зарафшон»ни синовдан ўтказса, «Ардус» 10 жамоа орасида 9-ўринни эгаллаб турган «Нафис»га қарши майдонга тушади. «Максам-Чирчиқ» эса «Гулистон» билан баҳс олиб боради.
Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
14 ноябрь, чоршанба
«Строитель-Зарафшон» - «Гулистон» 5:5
«Пахтакор» - «Ардус» 0:4
«Максам-Чирчиқ» – «Когон» 3:2
«Турон-С» - «Локомотив» 3:9
«Бунёдкор» - «Нафис» 5:0
| № | Жамоа | Ў | Ғ | Д | М | Т-Н | О |
|---|---|---|---|---|---|---|---|
| 1 |  Локомотив |
7 | 6 | 0 | 1 | 51-13 | 18 |
| 2 |  Ардус |
7 | 6 | 0 | 1 | 47-13 | 18 |
| 3 |  Максам-Чирчиқ |
7 | 6 | 0 | 1 | 30-16 | 18 |
| 4 |  Бунёдкор |
7 | 4 | 1 | 2 | 24-18 | 13 |
| 5 |  Турон-С |
7 | 3 | 2 | 2 | 45-38 | 11 |
| 6 |  Пахтакор |
7 | 3 | 0 | 4 | 21-29 | 9 |
| 7 |  Гулистон |
7 | 2 | 1 | 4 | 35-42 | 7 |
| 8 |  Когон |
7 | 1 | 1 | 5 | 22-40 | 4 |
| 9 |  Нафис |
7 | 1 | 0 | 6 | 17-49 | 3 |
| 10 |  Строител-Зарафшон |
7 | 0 | 1 | 6 | 14-48 | 1 |
Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
15 ноябрь, пайшанба
10:00. «Пахтакор» - «Турон-С»
12:00. «Локомотив» - «Строитель-Зарафшон»
14:00. «Гулистон» - «Максам-Чирчиқ»
16:00. «Когон» - «Бунёдкор»
18:00. «Ардус» - «Нафис»
16 ноябрь, жума
9:00. «Строитель-Зарафшон» - «Пахтакор»
10:00. «Бунёдкор» - «Гулистон»
12:00. «Турон-С» - «Ардус»
14:00. «Максам-Чирчиқ» – «Локомотив»
16:00. «Нафис» - «Когон»
