Миланнинг “Интер” клуби ярим ҳимоячиси Хоқон Чалханўғли жамоанинг мавсум бошланиши олдидан ҳолати ҳақида ўз фикрлари билан ўртоқлашди.
Симоне Индзаги шогирдлари ўртоқлик учрашувида "Ред Булл Зальубург"ни мағлуб этишди (4:3). Учрашув якунлангач, туркиялик футболчи янги мавсум бошланиши ҳақида гапирди: “Биз А серияни яхши бошлашни истаймиз. Муҳими, ўтган мавсумда йўл қўйилган хатоларга йўл қўймаслик. Бугун биз бир нечта хатоларга йўл қўйдик, аммо охирги пайтларда тўп билан ўйнашда ҳам, ҳимояда ҳам яхшиландик. Ҳақиқатдан ҳам муҳим бўлган ягона нарса - расмий ўйинларда майдонда ўзини кўрсатишга тайёрлик", - деди Чалханўғли Inter TV телеканалига берган интервьюсида.
19 август куни “Интер” А Серия 1-тур учрашувида “Монца”ни қабул қилади.
