"Тоттенхэм" ҳужумчиси Харри Кейн "Бавария"га ўтиш борасида келишувга эришди. Бу ҳақда журналист Давид Орнштейн хабар берди.
Манбага кўра, томонлар тўрт йиллик шартнома бўйича келишиб олган.
Журналист Фабрицио Романонинг ёзишича, Кейн немис клубига ўтишдан олдин тиббий кўрикдан ўтишга рухсат олган.
Олдинроқ "Бавария" "Тоттенхэм" билан Кейн бўйича 100 миллион еврога келишувга эришгани ҳақида хабар берган эди.
2022/23 йилги мавсумда Кейн "Тоттенхэм" сафида барча турнирлар доирасида 48 та ўйинда майдонга тушиб, 30 та гол урди ва 5 та голли узатмани амалга оширди. Унинг клуб билан амалдаги шартномаси 2024 йилнинг 30 июнига қадар мўлжалланган.
