"ПСЖ" жорий трансфер ойнасида "Барселона" вингери Усмон Дембелени сотиб олишдан бош тортиши мумкин. Бу ҳақда Mundo Deportivo нашри хабар бермоқда.

Манбанинг хабарига кўра, Франция чемпиони 26 ёшли футболчининг трансферини мавсум бошланишидан олдин расмийлаштирмоқчи бўлган, аммо келишув ҳали расман якунлангани йўқ. Шу сабабли парижликлар футболчини текинга олиш учун Дембеле билан шартнома имзолашни келаси ёзгача қолдиришга қарор қилишди.

Усмон 2017 йилдан буён "Барселона" футболчиси. Томонлар ўртасидаги амалдаги шартнома муддати 2023/2024 йилги мавсум охирида тугайди.