"Брайтон" ярим ҳимоячиси Мойсес Кайседо Англиянинг бошқа клуби - "Ливерпул"га ўтишга яқин турибди.
Инсайдер Фабрицио Романонинг сўзларига кўра, "мерсисайдликлар" 21 ёшли ярим ҳимоячи учун баҳсда "Челси"ни ортда қолдиришди.
Манбанинг ёзишича, Кайседонинг трансфери Англия футболи тарихидаги рекорд бўлади. Футболчининг трансфери учун "қизиллар" "чайқалар"га деярли 140 миллион евро тўлайди. Эквадорлик футболчи бугун охиригача "Ливерпуль" сафига қўшилиши кутилмоқда.
2022/2023 йилги мавсумда Кайседо Англия Премьер-лигасида 37 та ўйин ўтказди. Ярим ҳимоячи битта гол урди, иккита голли узатмани амалга оширди ва ўнта сариқ карточка олди.
