"Брайтон" ярим ҳимоячиси Мойсес Кайседо "Челси"га ўтишга яқин турибди.
“Ливерпуль” эквадорлик футболчини 127 миллион евродан кўпроқ эвазига сотиб олишга тайёр эди, бунга “Брайтон” рози бўлди, бироқ футболчининг ўзи “Челси”га ўтиш ниятида эканлигини айтди.
Журналист Жармеш Шетнинг сўзларига кўра, лондонликлар раҳбарияти Кайседо билан шартнома имзолаш бўйича жадал иш бошлаган. Келишув тахминан 115 миллион фунт стерлингга (133 миллион евродан кўпроқ) баҳоланиши мумкин, бу Британия футболи учун рекорд сумма ҳисобланади. "Аристократлар" имкон қадар тезроқ ўтиш шартлари бўйича келишиб олишни кутишмоқда.
Мойсес Кайседо Transfermarkt томонидан 75 миллион еврога баҳоланган.
