"Манчестер Сити" ҳужум чизиғини кучайтириш учун футболчи излашда давом этмоқда ва бир нечта вариантларни кўриб чиқмоқда. Бу ҳақда журналист Фабрис Хокинс хабар берди.

Манбага кўра, “шаҳарликлар” Мюнхеннинг “Бавария” клуби ярим ҳимоячиси Кингсли Команни сотиб олиш имкониятига қизиқиш билдиришган, бироқ рад жавоби берилган.

"Манчестер Сити" яқин орада "Ренн" вингери Жереми Доку билан шартнома имзолашга умид қилмоқда. Бельгиялик футболчи француз клубининг тарихдаги энг қиммат сотувига айланиши мумкин.

"Манчестер Сити" "Челси"га ўтишга яқин турган "Кристал Пэлас" футболчиси Майкл Олисега ҳам қизиқиш билдирмоқда.