“Пари Сен-Жермен” Франция чемпионатининг 1-тур учрашувида “Лорьен”ни мағлуб эта олмади (0:0).

Ўйиннинг 78 фоиз вақтда тўпга эгалик қилган Луис Энрике жамоаси рақиб ҳимоясини ёриб ўта олмади. Opta хабарига кўра, парижликлар ўйин давомида жами 1002 та узатмани амалга ошириб, бу кўрсаткич бўйича Лига 1нинг бутун санаб ўтилган вақт давомида (2006/07 йилги мавсумдан бери) янги рекордини ўрнатишди. Франция олий дивизионида шу пайтгача ҳеч бир жамоа битта ўйинда тўртта рақамдан иборат узатмаларни уддалай олмаган.

Луис Энрике шу йилнинг июль ойи бошида "ПСЖ"ни қабул қилиб олган эди. Бунгача мутахассис Испания терма жамоасида ишлаган.