«Кальяри» - «Палермо» ўйинини кўрмаганлар, албатта, Шомуродов қандай ҳаракат қилган экан, деб қизиқади. Шуни айтиб кетмоқчиман.

Раньери уни 85-дақиқада ҳисоб 0:0 бўлган пайт майдонга туширди. Асосий вақтда ўзини кўрсатишга улгурмади. Ўзи учрашувдаги энг қизиқ воқеалар айнан экстра бўлимларда бошланди.

Дастлабки 15 дақиқаликда Элдор асосан прессингда фаол бўлди. Тўпсиз актив ҳаракат қилди. Иккинчи экстра-таймда эса ўзига бўлган ишончи ортди. Ҳужумдаги шериклари билан комбинациялар юзага келтирди. Ҳаводан келаётган тўпларни қабул қилиб, аниқ паслар берди. Яширин тўққизликдек ўйнаб бўш зоналар юзага келтирди. Бироқ ўзи дарвозага аниқ тепиш имкониятига эга бўлмади.

«Кальяри» 100-дақиқада олдинга чиқди. 121-дақиқада «Палермо» ҳисобни тенглаштирди. Ҳакам 2 дақиқа қўшганди. Лекин айнан «Палермо» голини нишонлаш учун сарфлаган вақт учун яна 1 дақиқа қўшишига тўғри келди. 123-дақиқада «Кальяри» ғалабани илиб кетди.