«Бавария» дарвозабони Свен Ульрайх ўзини Мануэль Нойернинг муносиб давомчиси деб ҳисоблайди.

37 ёшли «Бавария» сардори жароҳатидан тузалишда давом этмоқда ва камида яна бир неча ойни ўтказиб юбориши кутилмоқда. «Бавария» трансфер бозорида Нойерга ўринбосар қидираётган бир пайтда, Свен Ульрайх дарвозадан жой олди.

«Мен аллақачон «Бавария»да Нойернинг муносиб ўринбосари эканлигимни исботлаганман. Бунга тайёр эканлигимга 100% аминман.

Менимча, Ману тўғри йўлда. Албатта, унда оғир жароҳат бор, лекин у аввалги даражасига қайтади. Унга тикланиши учун етарлича вақт бериш керак, - деди Ульрайх.