«Манчестер Юнайтед»нинг янги футболчиси Андре Онана АПЛдаги режалари ҳақида гапирди. У ўз дисквалификациясига ҳам изоҳ берди.
«Кўпчилик ёлғон хабарлар тарқатди: Онана допинг учун дисквалификация қилинди. У фирибгар, допингчи. Чеклов муддати тугагач, мен Чемпионлар лигасини ютгандек буни нишонладим.
Мен яна ўзим севган ишга қайтдим. Мен «Манчестер Юнайтед» афсонаси ва дунёнинг энг яхши дарвозабони бўлишни хоҳлайман», - деди футболчи Mundo Deportivo'га.
Онана шу ёзда «Интер»дан 52,5 миллион евро эвазига «Манчестер Юнайтед»га ўтган эди. 27 ёшли африкалик футболчи клуб билан 2028 йилнинг июнь ойи охиригача мўлжалланган шартнома имзолади.
