Турнинг энг марказий учрашуви сифатида қаралган «Насаф» ва «Локомотив» учрашувида тошкентликлар ўзлари учун ўта муҳим бўлган ғалабани қўлга киритишди ва чемпионат якунига етиши арафасида учинчи ўринга кўтарилиб олишди.
Учрашувнинг 77-дақиқасида Жора Оганесян, 83-дақиқада Зайниддин Тожиев томонидан киритилган голлар «темирйўлчилар»га муҳим бўлган уч очкони ва учинчи ўринга кўтарилиб олиш имкониятини берди. Натижада мусобақа тугашига бир тур қолганда «Локомотив»да миллий чемпионатларимиз тарихида биринчи марта совринли ўринлардан бирини эгаллаш имконияти пайдо бўлди.
НАСАФ – ЛОКОМОТИВ 0:2 (0:0)
Голлар: Жора Оганесян (77), Зайниддин Тожиев (83).
«Насаф»: Муроджон Зуҳуров, Мақсуд Каримов, Ботир Қораев, Иван Бошкович, Алишер Юсупов, Артур Геворкян, Сухроб Неъматов (Эркин Бойдуллаев, 46), Шоҳруҳ Гадоев, Александр Петрович, Илҳом Юнусов, Элдор Бойматов
«Локомотив»: Павел Бугало, Артурос Фоменко, Дилшод Раҳматуллаев, Садриддин Абдуллаев (Жора Оганесян, 61), Максим Казанков (Александр Шадрин, 75), Зайниддин Тожиев, Рустам Аъзамов, Акмал Ҳолматов, Ислом Иномов, Ислом Тўхтахўжаев, Дилшод Жабборов.
Назоратчи: А. Арутюнов (Тошкент).