Бекободликлар ўз майдонларида ўтказилган энг сўнгги ўйинда ғалаба қозонишди ва Олий лигада қолиш вазифасини уддалашди.

Ўйинда "Машъал" жамоаси ҳисобни очганди. Павел Соломиннинг 28-дақиқасига орадан 3 дақиқа ўтиб Ҳикмат Ҳошимов жавоб берди. Иккинчи бўлим бошида эса Сардор Расулов майдон эгаларига ғалаба келтирувчи гол муаллифига айланди.

Ушбу мағлубиятдан кейин муборакликлар 23 очко билан 13-ўринда қолишди. "Машъал" сўнгги турда "Бунёдкор"ни қабул қилишини инобатга олсак, муборакликлар спорт принципларига кўра Олий лигадан тушиб кетишга яқин туришибди.

ОЛИЙ ЛИГА. 25-ТУР
"МЕТАЛЛУРГ" - "МАШЪАЛ" - 2:1 (1:1)
Голлар: Ҳикмат Ҳошимов (31), Сардор Расулов (55) — Павел Соломин (28)
Огоҳлантириш: Илья Фомичев (8)
"Металлург": Маъмур Икромов, Одил Исабоев, Саидкомил Акбаров, Ҳикмат Ҳошимов, Дилмурод Каримов, Даврон Одилов, Мирғиёс Сулаймонов (Шуҳрат Йўлдошев 75), Шаҳзод Нурматов (Алишер Зиёвуддинов 67), Шоҳназар Норбеков (Илёс Қурбонов 70), Даврон Каримқулов, Сардор Расулов
"Машъал": Ўтир Юсупов, Илья Фомичев, Игорь Петкович, Габит Сапаргалиев (Шерзод Шойимов 73), Шуҳрат Муҳаммадиев, Аббос Шодмонов (Хуршид Суюнов 80), Яннис Мандзукас (Ғуломқодир Ғуломов 83), Милорад Расанович, Шерзод Қобилов, Павел Соломин, Абдували Мўминов
Ҳакамлар: О.Толибжонов (Тошкент), Ф.Ҳасанов (Наманган), А.Ражаббоев (Наманган), Р.Копадзе (Фарғона).
Назоратчи: И.Нехочин (Наманган).