"Бавария" ҳимоячиси Бенжамин Павар фаолиятини "Манчестер Юнайтед"да давом эттирмоқчи, дея хабар бермоқда Bild нашри.
Франциялик футболчи Хасан Салихамиджич даврида шартнома тузганида, футболчини ёзда қўйиб юбориши мумкин эди. Бироқ Салихамиджич энди "Бавария" спорт директори лавозимидан кетган. Мюнхенликлар Паварни сотишга тайёр эмас, чунки улар "Манчестер Сити" футболчиси Кайл Уокерни қўлга кирита олмаган.
"МЮ" Бенжамин учун "Бавария"га 29 миллион евро беришга тайёр, аммо Мюнхен клуби бу трансфер учун тахминан 45-50 миллион евро олишга интилмоқда. Музокаралар шу ҳафта давом этади. Ҳозир "МЮ" Гарри Магуайрни "Вест Хэм"га сотиш илинжида.
Павар "Бавария"да 2019 йилнинг ёзидан буён ўйнаб келмоқда, ўшанда у "Штутгарт"дан 35 миллион еврога сотиб олинганди. Ўтган мавсумда у 43та ўйинда 7та гол урди ва 1та голни тақдим этди.
