"Реал Мадрид" президенти Флорентино Перес тиззасидан олган жароҳати туфайли бутун мавсумни ўтказиб юбориш хавфи остида қолган "Қироллик клуби"нинг икки асосий футболчисини қўллаб-қувватлашини билдирди. Гап марказий ҳимоячи Эдер Милитао ва дарвозабон Тибо Куртуа ҳақида кетмоқда.
“Жароҳат - бу спортчининг бошига тушиши мумкин бўлган энг ёмон нарса. Биз бу хабардан хафа бўлдик, аммо Тибо ва Эдерга энг яхши тилакларимизни тилаймиз. Улар ҳар қачонгидан ҳам кучлироқ қайтишади”, деди Перес “Реал”га янги келган футболчи сифатида Кепа Арризабалаганинг расмий тақдимотида.
Эслатиб ўтамиз, Кепа "Челси"дан "Сантяго Бернабеу"га сотиб олиш мажбуриятисиз ижарага ўтган эди.