"Real Madrid" prezidenti Florentino Peres tizzasidan olgan jarohati tufayli butun mavsumni o‘tkazib yuborish xavfi ostida qolgan "Qirollik klubi"ning ikki asosiy futbolchisini qo‘llab-quvvatlashini bildirdi. Gap markaziy himoyachi Eder Militao va darvozabon Tibo Kurtua haqida ketmoqda.
“Jarohat - bu sportchining boshiga tushishi mumkin bo‘lgan eng yomon narsa. Biz bu xabardan xafa bo‘ldik, ammo Tibo va Ederga eng yaxshi tilaklarimizni tilaymiz. Ular har qachongidan ham kuchliroq qaytishadi”, dedi Peres “Real”ga yangi kelgan futbolchi sifatida Kepa Arrizabalaganing rasmiy taqdimotida.
Eslatib o‘tamiz, Kepa "Chelsi"dan "Santyago Bernabeu"ga sotib olish majburiyatisiz ijaraga o‘tgan edi.
