"Барселона" ёзда "Вильярреал"дан ўнг қанот ҳимоячиси Хуан Фойтни сотиб олмайди. Журналист Жерар Ромеронинг сўзларига кўра, "кўк-анорранглилар" спорт директори Матеу Алемани яқинда "Вильярреал" вакиллари билан музокара ўтказиш учун Валенсияга борган.
Манбага кўра, йиғилишда "сариқ сув ости кемаси" Алеманига аниқ шартларни айтган: ё 54 миллион евро товон тўлаш, ёки кетиш. "Барселона" спорт директори музокараларни тугатишга мажбур бўлди, чунки жамоада трансфер учун бундай пул йўқ.













