Футзал бўйича 2012 йилги Ўзбекистон чемпионати1-босқич2-тур ўйинлари якунига кўра, пешқадамлар– "Ардус" ва"Локомотив"нинг барча кўрсаткичлари тенглашди.

Футзал бўйича Ўзбекистон чемпионатининг 1-босқич 1-тур учрашувларига Тошкентдаги "Ўзбекистон" спорт мажмуаси мезбонлик қилганди. 1-босқич 2-тур учрашувлари эса Самарқанддаги "Сўғдиёна" футзал мажмуасида бўлиб ўтди.

16 ноябрь куни, нафақат куннинг, балки бутун турнинг энг марказий учрашувларидан бири бўлиб ўтди. "Максам-Чирчиқ" ва "Локомотив" жамоалари ўртасидаги ўйинда қайд этиладиган ҳар қандай натижа 2-турнинг 1-кунидан сўнг – "Локомотив" муросасиз баҳсда "Ардус"ни 4:3 ҳисобида мағлубиятга учратганидан сўнг юзага келган учпешқадамликни йўққа чиқарарди.

Шундай бўлди ҳам. "Максам-Чирчиқ" ва "Локомотив" ўртасидаги ўйин тошкентлик темирйўлчиларнинг кичик – 2:1 ҳисобидаги ғалабаси билан якунига етди. Шундай қилиб, "Локомотив" 2-тур доирасида бирорта ўйинда ҳам мағлубиятга учрамади. "Локомотив" тур давомида 1-ўринда борганига қарамай, айнан сўнгги кун ўйинларидан сўнг ҳақиқий қўшпешқадамлик юзага келди – Андижон вилоятининг "Турон-С" клубини 9:3 ҳисобида мағлубиятга учратган "Ардус"нинг барча кўрсаткичлари ҳозирда "Локомотив"ники билан бир хил бўлиб турибди: тўққиз учрашувдан сўнг ҳар иккала жамоа бир хилда – 24тадан очко тўплаган, 63та гол урган ва 17тадан тўпни ўз дарвозасидан олиб чиққан.

5-кун учрашувларидан сўнг "Бунёдкор" 4-ўринни ўзида сақлаб қолди: "Гулистон" устидан қозонилган 10:3 ҳисобидаги ғалаба "қалдирғочлар"га 3-тур ўйинларигача кучли тўртликдаги ўринни сақлаб туриш имконини беради. Қайд этиш жоиз, "Бунёдкор" 3-ўриндаги "Максам-Чирчиқ"дан 2 очкога ортда қолмоқда, холос.

Мусобақа аутсайдерлари – "Нафис" ҳамда "Когон" ўртасидаги ўйин майдон эгаларининг навбатдаги йирик ҳисобли мағлубияти билан якунига етди – 4:1, "Когон" фойдасига. Ушбу ғалаба бухороликларга мусобақа жадвалида 7-ўринга кўтарилиб олиш имконини берди.

Футзал бўйича Ўзбекистон чемпионати-2012
1-босқич, 2-тур учрашувлари. Самарқанд шаҳри.
16 ноябрь, жума
"Строитель-Зарафшон" - "Пахтакор" 2:4
"Бунёдкор" - "Гулистон" 10:3
"Турон-С" - "Ардус" 3:9
"Максам-Чирчиқ" – "Локомотив" 1:2
"Нафис" - "Когон" 1:4