"Челси" 18 ёшли ҳимоячи Льюис Холл билан хайрлашишга қарор қилди. Бу ҳақда The Telegraph нашри хабар бермоқда.
Манбага кўра, Лондон клуби ёш ҳимоячи футболчини сотувга қўйган. "Кўклар" раҳбарлари Холлни сотишдан камида 35 миллион евро олиш ниятида.
Қайд этилишича, яқинда ҳимоячи “Кристал Пэлас”га ижарага ўтишга яқин турганди, бироқ сўнгги лаҳзада келишув барбод бўлди.
Холл "Челси" тарбияланувчиси ҳисобланади. У клуб таркибида 11 йилдан бери (2012 йилдан) ўйнаб келмоқда. 2022/2023 йилги мавсумда ёш ҳимоячи барча турнирларда 11 та ўйин ўтказди. Футболчининг Лондон клуби билан шартномаси 2026 йилнинг июнь ойи охиригача амал қилади. Transfermarkt портали футболчининг тахминий баҳосини 10 миллион еврога баҳоламоқда.
Олдинроқ "Кристал Пэлас" ярим ҳимоячиси Майкл Олисенинг "Челси"га ўтиши мумкинлиги ҳақида хабарлар тарқалган эди.
