"Аталанта" расман "Милан" ярим ҳимоячиси Шарл де Кетеларени бир мавсумга ижарага олди. Бергамоликлар матбуот хизмати расмий ижтимоий тармоқларда тузилган битим ҳақида хабар берди.
Йиллик ижара шартномаси футболчини сотиб олиш ҳуқуқини ўз ичига олади. Амалдаги шартнома бельгиялик ёш футболчини "россонерлар" билан 2027 йилнинг ёзига қадар боғлайди.
Эслатиб ўтамиз, де Кетеларе ўтган ёзда "Брюгге"дан 35,5 миллион евро эвазига "Милан"га кўчиб ўтганди, бироқ унинг Италиядаги биринчи мавсуми яхши ўтмади. У "Милан" сафида А Серияда 32 та ўйинда атиги 1 та голли узатмани амалга оширган ва гол ура олмади.
Муваффақиятсиз мавсумга қарамай, Transfermarkt портали таҳлилчилари футболчини юқори баҳолаб, уни 22 миллион еврога баҳоламоқда.
