"Atalanta" rasman "Milan" yarim himoyachisi Sharl de Ketelareni bir mavsumga ijaraga oldi. Bergamoliklar matbuot xizmati rasmiy ijtimoiy tarmoqlarda tuzilgan bitim haqida xabar berdi.
Yillik ijara shartnomasi futbolchini sotib olish huquqini o‘z ichiga oladi. Amaldagi shartnoma belgiyalik yosh futbolchini "rossonerlar" bilan 2027 yilning yoziga qadar bog‘laydi.
Eslatib o‘tamiz, de Ketelare o‘tgan yozda "Bryugge"dan 35,5 million yevro evaziga "Milan"ga ko‘chib o‘tgandi, biroq uning Italiyadagi birinchi mavsumi yaxshi o‘tmadi. U "Milan" safida A Seriyada 32 ta o‘yinda atigi 1 ta golli uzatmani amalga oshirgan va gol ura olmadi.
Muvaffaqiyatsiz mavsumga qaramay, Transfermarkt portali tahlilchilari futbolchini yuqori baholab, uni 22 million yevroga baholamoqda.
