«Манчестер Сити» бош мураббийи Хосеп Гвардиола УЕФА Суперкубогида «Севилья» устидан қозонилган ғалабадан сўнг ярим ҳимоячи Коул Палмерни ижарага бермоқчи эмаслигини айтди.
21 ёшли англиялик футболчи асосий вақтда инглизлар жамоасининг ягона голига муаллифлик қилди.
«Палмер кетмоқчи эди, лекин ҳозир нима бўлишини билмайман. Менимча, ижара варианти бўлмайди.
У қолади. Унинг ўзига хос характери бор. Акуньядек футболчиларга қарши ўйнаш осон эмас. Бу осон эмас, бу финал.
У ёш футболчи ва жуда яхши ўйнади ва ажойиб гол урди», - дея Гвардиоланинг сўзларини келтирган Manchester Evening News.
