“Челси” ҳужумчиси Армандо Брояга айни дамда Европанинг турли давлатларидан бир нечта клублар қизиқиш билдирмоқда. The Secret Scout хабарига кўра, албаниялик футболчига "Милан", "Рома", "Вест Хэм" ва Германия Бундеслигасининг номи ошкор этилмаган клублари қизиқиш билдирмоқда.

Эслатиб ўтамиз, Броя ўтган мавсумнинг иккинчи ярмини тиззасидан олган жароҳати туфайли ўтказиб юборганди. Шу пайтгача албаниялик футболчи Англия Премьер-лигасида "Челси" сафида атиги битта гол урганди.

Узоқ вақт давомида йўқлиги ва тикланишига қарамай, "Челси" бу мавсумда Брояга умид қилмоқда. Эслатиб ўтамиз, бир йил аввал албан ўз клуби билан узоқ муддатли шартнома имзолаган эди.