“Chelsi” hujumchisi Armando Broyaga ayni damda Yevropaning turli davlatlaridan bir nechta klublar qiziqish bildirmoqda. The Secret Scout xabariga ko‘ra, albaniyalik futbolchiga "Milan", "Roma", "Vest Xem" va Germaniya Bundesligasining nomi oshkor etilmagan klublari qiziqish bildirmoqda.
Eslatib o‘tamiz, Broya o‘tgan mavsumning ikkinchi yarmini tizzasidan olgan jarohati tufayli o‘tkazib yuborgandi. Shu paytgacha albaniyalik futbolchi Angliya Premyer-ligasida "Chelsi" safida atigi bitta gol urgandi.
Uzoq vaqt davomida yo‘qligi va tiklanishiga qaramay, "Chelsi" bu mavsumda Broyaga umid qilmoqda. Eslatib o‘tamiz, bir yil avval alban o‘z klubi bilan uzoq muddatli shartnoma imzolagan edi.
