Туриннинг “Ювентус” клуби “Милан”нинг ҳужумчи Мойзе Кинни сотиб олиш таклифига жавоб қайтарди. "Кекса синьора" футболчини "россонерилар" таклиф қилган шартлар асосида қўйиб юборишдан бош тортди, бу ҳақда журналист Жанлука ди Марцио ўз сайтида хабар бермоқда.
"Милан" сотиб олиш ҳуқуқи билан ҳужумчини ижарага олишни кутганди, аммо бундай шароитлар "кекса синьора"га мос келмади. Киннинг ўзи ўйин амалиёти учун миланликлар сафиша ўтишга қарши эмасди.
Мойсенинг трансфер нархи 18 миллион еврога баҳоланмоқда. Ҳужумчининг туринликлар билан амалдаги шартномаси 2025 йилнинг ёзида якунига етади.
