Turinning “Yuventus” klubi “Milan”ning hujumchi Moyze Kinni sotib olish taklifiga javob qaytardi. "Keksa sinyora" futbolchini "rossonerilar" taklif qilgan shartlar asosida qo‘yib yuborishdan bosh tortdi, bu haqda jurnalist Janluka di Marsio o‘z saytida xabar bermoqda.
"Milan" sotib olish huquqi bilan hujumchini ijaraga olishni kutgandi, ammo bunday sharoitlar "keksa sinyora"ga mos kelmadi. Kinning o‘zi o‘yin amaliyoti uchun milanliklar safisha o‘tishga qarshi emasdi.
Moysening transfer narxi 18 million yevroga baholanmoqda. Hujumchining turinliklar bilan amaldagi shartnomasi 2025 yilning yozida yakuniga yetadi.
