"Ливерпуль" марказий ярим ҳимоя чизиғини кучайтириш вариантларини излашда давом этмоқда. Журналист Кристиан Фалькнинг сўзларига кўра, “Штутгарт”дан Ватару Эндонинг трансферига қарамай, “қизиллар” “Бавария”дан Райан Гравенберхга қизиқишда давом этмоқда.

"Қизил машина" ҳали нидерландияликни бошқа жамоага қўйиб юборадими ёки йўқ аниқ эмас. Айни дамда "Ливерпуль"да Мёнхенгладбахнинг "Боруссия" клубидан Ману Конени сотиб олиш имконияти бор. Футболчи яқинда жароҳатидан фориғ бўлди.

"Ливерпуль" аввалроқ "Челси" учун "Энфильд"га ўтишни рад этган Мойсес Кайседо ва Ромео Лавиани қўлдан чиқарган эди.