"Ливерпуль" узоқ вақтдан бери "Манчестер Юнайтед" қизиқиб келаётган футболчини ўз сафига қўшиб олиши мумкин. Гап Қатардаги жаҳон чемпионатининг асосий кашфиётларидан бирига айланган “Фиорентина” ярим ҳимоячиси Софьян Амрабат ҳақида кетмоқда.

Журналист Фабрицио Романонинг сўзларига кўра, “Ливерпуль” Амрабатга жиддий эътибор қаратмоқда. Софьян Юрген Клопп жамоасидаги ҳимоячи ярим ҳимоянинг муаммоли позициясини ёпиши мумкин. Мерсисайдликлар шунингдек “Кристал Пэлас”дан Шейк Дкурени ҳам сотиб олмоқчи, бироқ юқори нарх туфайли "қизиллар" Амрабат вариантини танлаши мумкин.

"Манчестер Юнайтед" ҳам Амрабатни ўз сафига қўшиб олмоқчи, аммо бунинг учун жамоа аввало иккита ярим ҳимоячини сотиши керак.