Лондоннинг "Фулхэм" клуби ўз ҳужумчиси Александр Митровичнинг ўрнига футболчи олиб келишга қарор қилди. Эслатиб ўтамиз, сербиялик форвард Саудия Арабистонининг "Ал-Ҳилол" клубига ўтишга бир қадам қолган.
Саймон Жонснинг маълумотларига кўра, жамоа "Арсенал" ҳужумчиси Фоларин Балогунга кўз тикишган, у ҳалигача ўзига янги жамоа топа олмаяпти. Америкалик футболчининг трансфери 58 миллион еврога баҳоланмоқда. Ҳужумчи "Фулхэм" тарихидаги энг қиммат футболчига айланиши мумкин.
Эслатиб ўтамиз, Балогун ўтган мавсумда "Реймс"да ижара асосида ўйнаган ва Франция чемпионатида 21 та гол урган эди.
