Londonning "Fulxem" klubi o‘z hujumchisi Aleksandr Mitrovichning o‘rniga futbolchi olib kelishga qaror qildi. Eslatib o‘tamiz, serbiyalik forvard Saudiya Arabistonining "Al-Hilol" klubiga o‘tishga bir qadam qolgan.
Saymon Jonsning ma’lumotlariga ko‘ra, jamoa "Arsenal" hujumchisi Folarin Balogunga ko‘z tikishgan, u haligacha o‘ziga yangi jamoa topa olmayapti. Amerikalik futbolchining transferi 58 million yevroga baholanmoqda. Hujumchi "Fulxem" tarixidagi eng qimmat futbolchiga aylanishi mumkin.
Eslatib o‘tamiz, Balogun o‘tgan mavsumda "Reyms"da ijara asosida o‘ynagan va Fransiya chempionatida 21 ta gol urgan edi.
