Мавсум бошланишидан олдин Мадриднинг “Реал” клуби дарвозабони Тибо Куртуа тиззасида жиддий жароҳат олди. "Реал Мадрид" расмий сайти хабарига кўра, 31 ёшли белгиялик футболчи пайшанба куни операция қилинган. Яқин кунларда Куртуа тикланиш жараёнини бошлайди.
Олдинроқ Тибо Куртуа бутун мавсумни ўтказиб юбориш хавфи борлиги ҳақида хабар берилганди. Бельгиялик футболчининг жароҳатидан сўнг "Реал" дарвозабон излаб трансфер бозорига киришига тўғри келди. Мадрид клуби муаммони тезда ҳал қилиб, Англиянинг “Челси” клубидан Кепа Арризабалагани ижарага олди.
